香港新浪網 MySinaBlog
AmuLeT | 22nd Jul 2018 | Uh Uh....

今 日 同 豬 醇 有 特 別 任 務,去 旺 角 曬 學 生 相

順 便 去 茶 聊 食 晏 先,嘻 嘻

呢 期 有 特 別 推 介 ─ 髒 髒 黑 糖 珍 珠 鮮 奶

仲 有 髒 髒 梳 乎 厘 班 戟,我 係 為 咗 呢 個 嚟 架,呵 呵
食 完 買 埋 小 說 先,跟 住 豬 醇 喺 公 園 玩 我 就 睇 小 說
之 後 曬 埋 相 完 成 晒 任 務 就 走 嚕

最 貪 小 便 宜 嘅 豬 醇 見 到 有 免 費 檸 檬 茶 就 話 要 飲,結 果 拎 咗 包 無 糖 話 好 難 飲,哈 哈


AmuLeT | 6th Jul 2018 | Every Woman, Uh Uh....

今 日 去 淺 水 灣,第 一 站 去 Hotshot 醫 肚

一 見 到 Anson 就 即 刻 開 背 囊 拎 玩 具

開 餐

淨 係 間 餐 廳 已 經 影 唔 停

食 完 嘢 出 發 嘞

糕 糕 糕

第 二 站 就 係 去 秘 密 星 球 Hidden Planet

豬 醇 見 到 又 話 要 整 呢 個 螢 光 水 轉 紋 身

兩 個 整 完 都 好 開 心 呀

唔 知 以 為 去 咗 侏 羅 紀 ...

穿 過 電 話 亭 就 正 式 進 入 Hidden Planet,喺 紫 外 光 燈 下 兩 個 變 咗 夜 光 人

對 手 好 有 型 呀

彩 虹 隧 道

星 之 家,之 後 等 到 冇 晒 人 終 於 可 以 盡 情 玩,可 以 開 到 個 Welcome 出 嚟

佢 哋 玩 得 最 開 心 嘅 ─ 螢 光 花 園

好 多 唔 同 嘅 大 怪 獸 呢

無 限 延 伸 世 界

同 場 唔 止 我 哋,所 以 唔 係 好 影 到 相

扭 曲 時 空

化 身 特 務 嘅 豬 醇 要 通 過 危 險 嘅 隧 道,哈 哈

魔 力 鏡 子
去 完 Hidden Planet 就 去 沙 灘 玩

今 日 好 大 浪,嚇 到 豬 醇 要 逃 走

結 果 兩 個 小 朋 友 都 係 玩 吓 沙 就 算 嚕


AmuLeT | 5th Jul 2018 | Uh Uh....

自 從 嗰 日 窩 子 食 唔 到 梳 乎 厘 班 戟 就 日 日 心 掛 掛

今 日 同 豬 醇 走 咗 去 將 軍 澳,去 玉 子 造 屋 食 晏,因 為 呢 度 有 梳 乎 厘 班 戟 呀
出 發 前 打 定 電 話 問 咗 先,唔 係 去 到 冇 得 食 就 抓 狂
豬 醇 係 要 揀 明 太 子 意 粉,原 本 諗 住 佢 係 擺 面,點 知 裡 面 都 有
即 刻 又 要 嗌 多 個 卡 邦 尼 比 佢 啦
梳 乎 厘 班 戟 個 樣 扁 扁 不 過 味 道 都 唔 錯,其 他 款 要 5:00 後 先 有,好 想 試 埋 呀

食 完 周 圍 行 吓,去 咗 Football Zoo 小 小 童 足 球 夏 令 營

有 車 軚 玩 吓

又 有 單 車 踩 吓,一 踩 前 面 個 波 就 會 升 起

行 完 過 咗 去 Popcorn

行 吓 行 吓 就 去 咗 NAMCO Asobi Park PLUS,一 見 到 就 話 要 玩 沙 嚕

玩 完 沙 再 加 鐘 玩 其 他 ... 咁 就 玩 咗 一 個 下 午 嘞


AmuLeT | 4th Jul 2018 | Uh Uh....

今 日 同 豬 醇 走 咗 去 太 古 城,去 到 第 一 時 間 醫 肚 先

見 溫 野 菜 開 咗 就 去 食 啦,烏 冬 同 牛 都 比 豬 醇 搶 晒,嗚 嗚
次 次 一 見 我 夾 牛 就 話「 醇 醇 好 鍾 意 食 牛 」,見 佢 食 得 咁 開 心 我 都 開 心 嘅

未 食 嘢 已 經 嗌 住 要 去 ─ The Big Splash Summer Party,嚟 太 古 城 都 係 為 咗 去 呢 度 咋 嘛

日 日 都 話 要 睇 嘅 超 人 特 工 隊

每 一 個 遊 戲 都 搵 到 新 玩 法

呢 個 變 咗 捉 迷 藏 ...

豬 醇 睇 迪 士 尼 嘅 卡 通 大,反 斗 奇 兵 都 好 鍾 意

見 到 多 莉 即 刻 去 攬 攬,仲 錫 咗 一 啖

我 主 要 係 想 玩 呢 個 ─ 巨 型 體 感 浮 床 https://farm4.staticflickr.com/3950/15361386438_7cc45f38b2_o.gif

一 路 嗌 住 ABC 一 路 周 圍 跳

玩 完 一 次 豬 醇 就 夠 皮

轉 戰 Dancing floor,跳 完 一 個 圈 就 走 嚕
原 來 ... 豬 醇 係 想 去 踩 冰,出 發 出 發

今 日 都 預 咗 同 豬 醇 踩 冰,第 一 次 帶 住 佢 都 有 啲 擔 心,戴 埋 護 膝 就 安 全 嘞

我 都 真 係 太 睇 少 豬 醇,雖 然 都 係 論 論 盡 盡,不 過 佢 好 努 力 咁 一 步 一 步 行

有 時 仲 唔 要 我 拖,去 到 走 嘅 時 候 已 經 冇 一 開 始 咁 論 盡  

今 晚 食 高 速 線,要 hea 到 食 飯 時 間,去 Aeon 行 陣 街 再 搭 叮 叮 過 銅 鑼 灣

心 思 思 去 老 虎 堂 飲 波 霸 厚 鮮 奶,多 謝 豬 醇 陪 我 排 呀
排 完 等 嘢 飲 豬 醇 要 去 Potato Corner 買 薯 條
呢 間 都 有 白 松 露 味,正,買 完 我 同 豬 醇 講 要 等 ... 佢「 吓 」咗 一 聲,真 係 爆 笑
結 果 我 完 全 唔 餓 咁 陪 豬 醇 食 高 速 線,哈 哈


AmuLeT | 3rd Jul 2018 | Uh Uh....

幼 稚 園 啲 嘢 開 始 忙 嘞,以 我 嘅 工 作 效 率 再 唔 做 就 唔 洗 做
今 日 即 刻 操 刀 幫 豬 醇 影 學 生 相 先

影 完 ... 老 豬 一 睇 相 就 話 豬 醇 冇 梳 頭 ... 咳 咳 ... 嚟 過 

再 影 已 經 有 啲 勉 強,好 唔 情 願 笑 咗 兩 下

不 過 咁 多 相 都 睇 到 頭 暈 呀,最 尾 揀 咗 上 左 二,望 落 乖 乖 的


AmuLeT | 2nd Jul 2018 | GOOD LIFE, Uh Uh....

今 日 陪 吳 氏 父 子 剪 頭 髮,老 豬 朝 早 都 要 去 做 嘢 呢 https://farm6.staticflickr.com/5613/15361875210_db59872de1_o.gif
晏 晝 趕 出 旺 角 陪 我 哋 去 十 三 姨 食 嘢
剪 完 頭 髮 去 咗 果 欄,呢 個 敗 家 仔 一 揀 就 揀 中 晴 王
買 完 去 神 廚 個 食 個 下 午 茶,又 去 深 水 埗 買 大 少 M 嘅 罐 頭
送 埋 我 哋 返 屋 企 老 豬 又 要 繼 續 做,再 買 晴 王 就 以 後 見 唔 到 爸 爸 嘞,哼


真 係 去 開 有 條 路,今 日 其 實 又 係 諗 住 睇 吓 有 冇 機 會 去 星 星 灘 嘅

不 過 都 係 遲 咗 幾 日,不 過 有 得 同 表 哥 去 沙 灘 豬 醇 玩 乜 都 開 心 啦

水 退 好 多 海 星

今 日 有 個 目 的 地,係 去 井 頭 村 沙 灘 右 邊 嘅 烏 洲,退 潮 先 會 有 個 連 島 沙 洲 露 出 嚟
沿 途 身 邊 好 多 水 母,呢 個 變 態 家 族 係 走 埋 去 摸 摸 頭,哈,估 唔 到 家 姐 都 係 同 我 一 樣

終 於 去 到 嘞,都 唔 知 呢 度 叫 咩,不 過 成 遍 都 係 海 星,行 步 路 都 要 好 小 心

平 時 唔 見 天 嘅 沙 灘 都 特 別 多 嘢 睇,仲 有 好 多 白 鷺 周 圍 飛

繼 續 行 仲 有 個 石 灘,仲 有 紅 樹 林

不 過 都 差 唔 多,喺 度 玩 多 陣 就 走 嚕

呢 度 真 係 好 寧 靜 好 舒 服

夜 晚 同 埋 Jenny 一 家 一 行 八 人 去 博 多 家 食 飯


AmuLeT | 30th Jun 2018 | GOOD LIFE, Dear Diary, Uh Uh....

今 日 同 小 咪、家 姐 同 Benson 去 沙 灘 呀,諗 起 都 開 心
一 早 同 老 豬 去 完 救 世 軍 個 家 長 會 買 齊 校 服

齊 人 飲 茶 先,豬 醇 真 係 超 鍾 意 表 哥

飲 完 茶 慢 慢 出 發 去 井 頭 村 嚕,呢 排 愛 上 咗 嚟 呢 度,太 方 便

退 潮 有 好 多 嘢 睇 呀,周 圍 都 係 海 膽 同 海 星

一 邊 黑 雲 一 邊 藍 天

有 爸 爸 同 表 哥 玩 得 特 別 開 心,兩 個 仲 一 齊 去 捉 蟹 添 https://farm6.staticflickr.com/5601/15361383788_018d55d442_o.gif

夜 晚 又 走 咗 去 食 高 速 線,食 完 經 過 城 門 河 竟 然 比 我 哋 睇 到 無 人 機 光 影 匯 演 呀

放 低 佢 哋 返 屋 企 同 老 豬 要 去 荃 灣,做 完 嘢 去 Aroma 食 個 梳 乎 厘 班 戟 先


AmuLeT | 29th Jun 2018 | Every Woman, Uh Uh....

想 去 窩 子 食 梳 乎 厘 班 戟,咁 就 約 埋 A 媽 一 齊 去 玩

首 先 去 咗 Mikiki 先,知 道 豬 醇 鍾 意 玩 手 指 陀 螺
仲 要 係 足 球 形 架,商 場 有 得 換 就 去 行 吓 啦

結 果 買 咗 豬 醇 見 到 都 話 想 買 嘅 Pepper Pig 衫,最 開 心 係 豬 醇 啦 https://farm6.staticflickr.com/5601/15361383788_018d55d442_o.gif

A 媽 同 Anson 到 咗 就 去 窩 子 嘞,壞 消 息 ... 冇 得 食 梳 乎 厘 班 戟
不 過 有 邪 惡 嘅 咸 蛋 黃 薄 餅 補 數 啦
食 完 嘢 兩 個 好 朋 友 第 一 次 一 齊 搭 巴 士

凌 空 的 八 達 通

去 黃 埔 冒 險 樂 園 玩,豬 醇 次 次 經 過 Playhouse 都 話 想 玩,今 次 就 同 埋 Anson 一 齊 玩 啦

玩 完 再 去 碼 頭 附 近 行 吓

其 實 自 由 自 在 咁 跑 跑 跳 跳 先 係 佢 哋 最 鍾 意


AmuLeT | 28th Jun 2018 | Every Woman, Uh Uh....

豬 醇 真 係 好 鍾 意 恐 龍,尋 晚 講 咗 今 日 睇 恐 龍
一 起 身 就 講 住 恐 龍 恐 龍 ... 可 能 佢 以 為 自 己 係 George,哈

出 發 去 Mega Box 侏 羅 紀 世 界,仲 有 埋 個 水 晶 球 觀 光 車 添
豬 醇 指 住 後 面 話 見 到 暴 龍 呀,又 叫 又 郁 都 幾 迫 真 https://farm4.staticflickr.com/3946/15523812696_ca4dcaf41e_o.gif

Blue 呀,全 場 得 佢 可 以 摸 吓,不 過 一 摸 頭 頂 就 會 郁,都 好 有 誠 意 架 嘞

豬 醇 愛 不 釋 手,仲 不 停 表 演 比 佢 咬

「 Dinosaur ... 」

豬 醇 只 愛 火 山 爆 發,影 極 都 係 同 一 個 背 景
睇 完 恐 龍 同 豬 醇 去 Pepper Lunch 食 晏

咁 啱 有 冰 上 曲 棍 球 比 賽,豬 醇 睇 到 拍 晒 手 好 興 奮
食 完 晏 比 佢 到 童 真 天 地,好 啦 去 行 吓

去 歡 樂 新 天 地 玩 一 陣

再 玩 多 陣 滑 梯 就 走 嚕

心 思 思 想 去 淘 大 間 天 仁 茗 茶 食 呢 個 913 茶 王 梳 乎 厘 班 戟,呢 個 唔 錯
食 完 趕 返 屋 企 放 低 豬 醇 就 去 帝 都 同 阿 Yen 飲 杯 嘢 傾 吓 偈
因 為 唔 想 日 日 都 掉 低 佢 哋 兩 婆 孫,飲 完 嘢 我 就 乖 乖 返 去 食 飯 嚕


Next