香港新浪網 MySinaBlog
AmuLeT | 18th Apr 2019 | GOOD LIFE, Contrail, YEAH-OH, Uh Uh....

話 咁 快 就 住 咗 福 岡 三 晚,今 日 要 去 大 分 嚕

途 經 筑 紫 野 い ち ご 農 園 ,諗 住 摘 士 多 啤 梨 但 係 Booking Full 晒 呀

咁 就 過 去 Patisserie Sucré fraise 食 蛋 糕 啦

豬 醇 好 鍾 情 呢 個 遊 戲
跟 住 就 繼 續 出 發 去 由 布 院 之 森 嘞

一 到 埗 就 有 公 園 玩

仲 要 係 醇 醇 最 愛 嘅 韆 鞦,定 其 實 係 我 最 愛 https://farm6.staticflickr.com/5601/15361383788_018d55d442_o.gif

跟 住 去 Milch 食 半 熟 起 司 蛋 糕,豬 醇 就 睇 中 卷 蛋 ...

み つ ば ち 工 房 花 の 道 ─ 蜂 巢 雪 糕

呢 度 都 幾 舒 服

Dr KissFish,今 次 終 於 可 以 試 吓 嘞

明 明 係 醇 醇 話 要 試 吓,不 過 兩 父 子 入 到 去 個 情 況 係 咁
一 個 唔 敢 擺 腳 落 水,一 個 就 擺 完 頂 唔 順 拎 返 上 嚟

咁 我 去 玩 嘞,感 覺 都 幾 得 意

其 實 我 哋 一 路 向 住 一 個 目 標 出 發,差 唔 多 到 嘞

我 哋 去 柴 犬 Cafe,點 知 ... 原 來 要 六 歲 先 比 去 呀
好 少 見 醇 醇 咁 失 望,佢 竟 然 喊 咗 出 嚟,咁 咁 咁 ... 去 隔 離 間 貓 Cafe 啦

我 叫 醇 醇 要 好 可 愛 笑 笑 咁 啲 貓 貓 先 會 去 搵 佢

小 朋 友 一 戴 帽 真 係 樣 都 唔 同 晒 https://farm4.staticflickr.com/3944/15649576652_0c15ce0f6c_o.gif

其 實 貓 Cafe 啲 貓 ... 真 係 唔 玩 架,返 屋 企 同 阿 M 玩 好 過 啦,哈 哈

好 歎

熊 本 醇 https://farm4.staticflickr.com/3939/15462781117_2c88197a96_o.gif

醇 醇 :「 伯 伯 呢 間 串 燒 超 級 無 敵 好 食 呀 」

我 哋 買 咗 燒 雞 皮 同 燒 蝦

一 食 ... 嘩 嘩 嘩 !! 真 係 超 級 好 味 呀
喺 不 停 Encore 之 下 食 咗 好 多 好 多 串

食 完 串 燒 去 埋 金 鱗 湖,住 得 呢 邊 冇 理 由 唔 去 埋 呢 度 啦

一 去 到 就 有 隻 大 鵝

醇 醇 幾 經 艱 辛 摸 咗 佢 一 下 https://farm6.staticflickr.com/5601/15361383788_018d55d442_o.gif

真 係 好 鍾 意 小 動 物

行 咗 成 日 我 先 發 現 冇 行 到 Yufuin Floral Village
去 到 都 收 晒 嚕,不 過 反 而 影 到 冇 晒 人 嘅 街

睇 埋 松 鼠 就 走 嚕

櫻 花 樹 下

全 部 都 係 櫻 花

返 到 BNB 即 刻 浸 吓 溫 泉 先,呢 度 有 兩 個 溫 泉 呀,正 到 暈
成 間 小 屋 仔 有 四 間 房,真 係 全 家 一 齊 住 都 得 呀
浸 完 老 豬 煮 豊 後 牛 烏 冬 比 醇 醇 食,我 同 老 豬 兩 個 食 豊 後 牛 配 杯 麵,哈 哈

是 日 放 映 : 由 布 院 食 玩 買


AmuLeT | 17th Apr 2019 | GOOD LIFE, Contrail, YEAH-OH, Uh Uh....

尋 日 兩 仔 爺 吹 到 有 啲 唔 舒 服,今 日 比 佢 哋 瞓 晏 啲 啦 https://farm4.staticflickr.com/3950/15360894259_9a40b81167_o.gif
起 身 就 直 接 出 發 去 姪 浜 渡 船 場,趕 到 11:15 班 船 呀 去 能 古 島

第 一 次 揸 車 上 船 上,好 得 意,上 到 船 就 可 以 落 車 周 圍 行 吓 坐 吓

能 古 島 海 島 公 園 睇 櫻 花,糕 糕

其 實 周 圍 都 係 櫻 花,醇 醇 喺 櫻 花 樹 前 玩 真 係 超 正
可 惜 又 係 小 朋 友 限 定,人 大 冇 得 玩 呀

由 短 至 長 慢 慢 玩,淨 係 玩 呢 個 都 玩 咗 好 耐

周 圍 望 落 都 係 咁 整 齊 乾 淨

到 此 一 影
行 吓 行 吓 見 到 韆 鞦,日 本 啲 韆 鞦 真 係 正,我 玩 到 唔 捨 得 走

尋 日 講 住 想 餵 羊,點 知 見 到 羊 又 忽 然 唔 肯 餵,真 係 越 大 越 細 膽 呀 哈 哈

揸 吓 個 軚 盤 都 開 心

呢 個 位 好 正,望 住 油 菜 花 海 食 燒 肉 刺 身 午 餐 28865331145_2f463d5303_o.gif (20×20)

好 靚 呀

呢 棵 櫻 花 大 到 瞓 喺 地 下

好 大 棵 呀

有 個 小 朋 友 好 鍾 意 執 花 瓣

鋼 牙 大 鼻 賞 櫻 中

咁 樣 影 超 可 愛

我 哋 跟 住 喺 油 菜 花 海 度 走 來 走 去,一 望 無 際 真 係 好 正 呀

隔 離 仲 有 個 海 景 公 園 玩 添

我 目 標 係 呢 個 望 海 韆 鞦,超 正 呀 https://farm6.staticflickr.com/5601/15361383788_018d55d442_o.gif
玩 完 公 園 都 收 嚕,返 去 搭 船 回 程 嚕
今 日 去 碼 頭 途 經 有 個 商 場 望 落 幾 正 咁,今 晚 一 於 去 啦

原 來 係 AEON Marina Town,殺 呀
第 一 次 食 日 本 嘅 Pepper Lunch,嗯 嗯 ... 我 覺 得 朗 豪 坊 嗰 間 係 最 好 味

是 日 放 映 : 能 古 島 一 遊


AmuLeT | 16th Apr 2019 | GOOD LIFE, Contrail, YEAH-OH, Uh Uh....

一 早 就 起 身 出 發,兩 父 子 每 朝 都 係 買 定 早 餐 喺 車 食
直 接 去 海 の 中 道 海 浜 公 園

櫻 花 已 經 開 得 好 靚 嘞

都 真 係 幾 凍,著 晒 褸 先 係 啱 啱 好,醇 醇 仲 長 期 手 手 冰 凍

呢 個 公 園 都 幾 大,租 架 單 車 代 步 都 好
醇 醇 戴 埋 頂 黃 色 帽 仔 真 係 特 別 得 意

櫻 花 樹 下 踩 單 車,好 有 意 境 呀,多 咗 豬 醇 喺 度 就 少 咗 浪 漫 囉

行 到 邊 都 係 好 靚 嘅 櫻 花

嘩 嘩 嘩 !! 不 得 了 呀 咁 大 個 公 園,醇 醇 九 秒 九 衝 過 去 玩 嘞

兩 父 子 玩 得 超 開 心 https://farm4.staticflickr.com/3950/15361386438_7cc45f38b2_o.gif

老 豬 喺 上 面 偷 影 我 哋 https://farm6.staticflickr.com/5601/15361383788_018d55d442_o.gif

右 邊 呢 個 仲 唔 係 安 室,啜 啜

呢 遍 粉 蝶 花 海 真 係 不 得 了

配 埋 後 面 嘅 櫻 花 樹 又 粉 藍 又 粉 紅 真 係 好 靚

心 心 眼

配 住 個 無 敵 藍 天 超 大 愛 呀

淨 係 呢 度 都 玩 咗 成 個 朝 早,要 繼 續 出 發 嘞

豬 醇 忽 然 要 玩 呢 個 長 滑 梯 嘞,一 玩 就 停 唔 到

油 菜 花 海,嗯 嗯 ... 個 味 道 唔 係 太 討 好

下 站 去 食 晏 先,食 完 晏 急 不 及 待 就 去 玩 嘞,呢 個 彈 彈 彈 真 係 好 正 呀

隔 離 有 車 揸,豬 醇 係 睇 中 卡 丁 車 架,不 過 卡 丁 車 只 可 以 陪 玩
玩 住 呢 啲 BB 車 先 啦,嘻
卡 丁 車 我 同 老 豬 都 各 玩 咗 一 次,做 完 乘 客 之 後 ... 醇 醇 同 老 豬 講 媽 媽 成 日 撞 車 ...

呢 款 ... 好 小 小 啦,當 係 BB 版 卡 丁 車 先 啦

仲 有 熊 貓 車 車

我 嘅 小 寶 寶 醇 醇 呀,佢 成 日 都 問 佢 係 咪 我 嘅 小 寶 寶 醇 醇 架 ...
整 親 又 問「 媽 媽 係 咪 好 心 痛 小 寶 寶 ? 」好 難 頂,哈 哈

醇 醇 話 係 咁 樣 同 海 豚 游 水 39930981605_bf7714de0b_t.jpg (20×20)
淨 係 呢 個 公 園 都 已 經 可 以 玩 足 一 日,其 實 仲 有 個 水 上 樂 園 區,不 過 夏 天 限 定

最 後 一 站 去 動 物 之 森
裡 面 有 好 多 小 動 物,時 間 無 多,兜 個 圈 就 走 嚕

賣 晒 糧 冇 得 餵,摸 吓 都 好 啦 https://farm6.staticflickr.com/5601/15361383788_018d55d442_o.gif

玩 足 一 日 呀,又 係 收 工 先 去 還 單 車

出 發 去 中 洲 屋 台,豬 醇 竟 然 瞓 咗 呀,可 以 慢 慢 行 吓
不 過 最 尾 覺 得 太 凍,今 日 醇 醇 吹 到 有 啲 鼻 水,都 係 去 商 場 食 飯 啦
去 咗 JR 博 多 城,我 對 呢 個 AMU Plaza 有 個 情 意 結,不 過 冇 時 間 行 街 嚕  

食 利 久 啦,牛 舌 真 係 冇 得 頂 28865330925_b036ddecd7_o.gif (20×20)

再 去 Campbell Early 食 埋 甜 點 就 返 BNB 嚕 28865331375_1500fbfa7e_o.gif (20×20)

同 場 加 影 : Selfie

是 日 放 映 : Rap 界 小 鮮 肉


AmuLeT | 15th Apr 2019 | GOOD LIFE, Contrail, YEAH-OH, Uh Uh....

福 岡 之 旅 出 發 嘞,預 到 好 鬆 時 間 都 總 有 啲 問 題 出 現
搞 到 早 餐 都 要 匆 匆 忙 忙 咁 食,好 彩 趕 得 切 上 機
3:30 就 到 福 岡,不 過 租 埋 車 出 發 都 已 經 5:30 嚕
去 MARK IS 福 岡 ももち,呢 個 商 場 好 大 好 正 呀

不 過 都 冇 乜 時 間 行 已 經 要 食 飯 嘞,第 一 餐 去 西 新 初 喜 食 燒 肉 先

一 食 燒 肉 豬 醇 就 食 唔 停 口,仲 要 唔 靚 都 唔 會 嘈 住 食,真 係 一 個 識 食 小 寶 寶
食 完 行 街 搵 豬 醇 隻 強 襲 警 察,Oh NO ... 連 日 本 都 搵 唔 到 嘞
行 到 商 場 都 收 就 去 BNB Check in
去 到 開 信 箱 拎 鎖 匙 ... 一 裡 面 咩 都 冇
唔 係 啩 ...
仲 要 有 鎖 匙 先 開 到 大 門,搵 屋 主 又 搵 唔 到
最 尾 有 人 開 大 門 我 哋 就 即 刻 衝 入 去,上 咗 樓 再 諗 下 辦 法 啦
唔 上 由 自 可 ... 一 上 到 去 仲 恐 怖
房 門 冇 鎖 ... 入 到 去 ... 有 行 李
吓 ... 咁 都 得
驚 魂 未 定 已 經 有 人 返 嚟,一 心 係 諗 住 搞 錯 咗 租 咗 比 兩 個 客
好 彩 結 果 係 佢 哋 去 錯 屋,實 在 係 太 好 彩 嘞,哈 哈

安 樂 晒,豬 醇 有 屋 住 嘞

環 境 都 唔 錯 呀,嚟 緊 三 晚 都 係 瞓 呢 度 呀,多 多 指 教

是 日 放 映 : 機 場 麻 疹 大 爆 發,兩 父 子 嚴 陣 以 待


AmuLeT | 30th Mar 2019 | GOOD LIFE, YEAH-OH, Uh Uh....

今 日 嚟 個 快 閃 海 洋 公 園,因 為 一 早 已 經 報 咗 去 幕 後 之 旅
豬 醇 又 好 期 望 去 睇 鯊 魚 喎,所 以 尋 日 努 力 執 好 九 成 行 李,今 日 如 常 出 發

去 MUM Veggie Cafe 食 個 早 餐 先,跟 住 慢 慢 去 海 洋 公 園 39930981605_bf7714de0b_t.jpg (20×20)

今 日 唔 多 人 呀,纜 車 都 唔 洗 排 隊
去 尋 鯊 探 秘 兜 多 個 圈 就 夠 鐘 去 幕 後 之 旅 嚕
我 自 己 就 想 睇 熊 貓,不 過 豬 醇 想 就 去 咗 呢 個 鯊 魚 及 鯆 魚 先 啦
都 係 睇 吓 啲 BB 鯊 魚,有 哥 哥 講 解 吓
比 較 特 別 係 可 以 摸 鯊 魚 蛋,睇 完 玩 一 次 攤 位 就 即 刻 閃 嘞

去 Bread and Bistro 食 埋 個 下 午 茶 就 返 屋 企 嚕

是 日 放 映 : 幕 後 之 旅 ─ 鯊 魚 及 鯆 魚


AmuLeT | 28th Mar 2019 | GOOD LIFE, Higher, Uh Uh....

今 日 同 醇 醇 去 睇 戲,做 好 功 課 就 出 發 去 新 城 市
去 三 星 食 魯 肉 飯 先,跟 住 買 埋 飛 就 去 行 街
行 完 去 Smile 買 杯 Yogurt 就 去 戲 院 出 面 坐 吓 等 夠 鐘

有 人 拎 住 杯 佢 唔 食 嘅 Yogurt 鬼 咁 開 心,哈 哈 https://farm6.staticflickr.com/5601/15361383788_018d55d442_o.gif

今 日 去 睇《 小 飛 象 》
我 自 己 都 係 鍾 意 卡 通 版 多 啲
我 都 明 真 人 版 係 需 要 改 動,不 過 好 多 經 典 位 都 冇 晒 咁
睇 完 老 豬 嚟 接 我 哋 嘞,返 屋 企 預 備 埋 旅 行 啲 嘢 先


Happy 27
今 日 搵 Makiko 整 埋 眼 睫 毛 就 可 以 開 開 心 心 去 旅 行 嘞 
晏 晝 同 埋 Makiko 去 Su Casa 食 晏

食 完 晏 醇 醇 造 要 玩 飛 機,無 啦 啦 就 去 咗 探 險,去 咗 花 心 坑 村
去 到 變 咗 睇 蝴 蝶,玩 咗 一 陣 飛 機 就 走 嚕
老 豬 要 去 太 子 攞 嘢,又 去 金 魚 街 睇 吓 貓

之 後 經 過 深 水 埗 公 園,醇 醇 話 想 去 玩,咁 就 即 刻 去 玩 啦

爸 爸 陪 玩 笑 容 都 唔 同 啲

零 舍 浮 誇 https://farm6.staticflickr.com/5601/15361383788_018d55d442_o.gif

爬 爬 爬

玩 到 夠 鐘 就 去 食 飯 嚕
嗯 嗯 ... 雖 然 晏 晝 已 經 食 牛,不 過 我 都 仲 係 想 食 牛

去 三 ス テ ー キ Triple Steak 食 牛 扒
計 埋 尋 日 午 餐 兩 日 已 經 食 咗 三 餐 牛 ... 真 係 太 誇 張


講 咗 成 個 星 期,今 日 約 咗 庭 亨 出 去 玩 嘞
跟 老 豬 出 太 子 去 大 興 食 晏 先,食 完 去 金 魚 街 睇 陣 貓 就 出 發 去 銅 鑼 灣 嚕

而 家 時 代 廣 場 有 小 飛 象 展 覽 呀
不 過 真 人 版 呢 隻 小 飛 象 冇 晒 可 愛 感 ... 扮 炮 彈 最 開 心

真 實 對 白「 我 要 睇 小 飛 象 呀 」

中 庭 仲 有 隻 好 大 好 大 嘅 小 飛 象 呀

經 過 Happiplayground 買 杯 嘢 飲
跟 住 就 出 發 去 Planet J
醇 醇 一 去 到 就 即 刻 睇 中 咗 部 Rabbids Hollywood,前 後 玩 咗 四 鋪 呀

玩 完 就 去 波 波 池,入 三 百 蚊 幣 送 波 波 池 券 呀,都 好 抵 玩

不 過 對 於 醇 醇 已 經 唔 係 太 啱 玩 嚕

兜 咗 個 圈 已 經 想 出 去 玩 其 他 嘢

玩 到 咁 上 下 庭 亨 終 於 嚟 到 嘞,兩 個 放 題 玩 晒 全 部 錢 就 走 嚕
再 周 圍 行 多 陣 再 去 沙 嗲 王 食 埋 飯 就 返 屋 企

是 日 放 映 : 開 心 放 題 任 玩 https://farm4.staticflickr.com/3950/15361386438_7cc45f38b2_o.gif


AmuLeT | 25th Mar 2019 | GOOD LIFE, YEAH-OH, Uh Uh....

呢 排 兩 父 子 黐 頭 芒 咁,一 時 又 水 溝 油,睇 見 佢 哋 就 真 係 煩
原 本 想 去 樓 下 買 平 安 藥,我 都 知 ... 一 次 醫 生 都 冇 睇 過 又 點 買 呢
咁 就 去 返 馬 鞍 山 買 啦,買 完 順 便 去 漁 米 之 鄉 飲 茶 https://farm4.staticflickr.com/3951/14926761384_a09a84afb4_o.gif
我 太 鍾 意 恆 安 呢 間 個 魚 香 茄 子 炆 米 同 炒 菜,食 完 豬 醇 仲 喺 度 餵 麻 雀
之 後 就 陪 老 豬 去 換 軚 嘞

小 朋 友 同 貓 一 樣 ... 最 鍾 意 匿 入 紙 箱

玩 完 紙 箱 仲 有 板 車 玩,換 軚 都 換 得 開 心 過 人 https://farm6.staticflickr.com/5601/15361383788_018d55d442_o.gif
換 完 去 農 場 鮮 奶,太 耐 冇 嚟 過,原 來 而 家 星 期 六 日 先 開 呀
大 埔 間 Forest 又 休 例 一,咁 就 返 屋 企 嚕

是 日 放 映 : 開 心 喪 玩 兩 父 子


AmuLeT | 24th Mar 2019 | GOOD LIFE, YEAH-OH, Uh Uh....

今 日 去 西 貢 行 吓 食 吓 嘢

帶 老 豬 去 食 海 膽 先

跟 住 去 白 鬚 旗 艦 店 食 晏

環 境 好 舒 服 呀,豬 頸 肉 仲 好 好 味 https://farm4.staticflickr.com/3950/15361386438_7cc45f38b2_o.gif
豬 醇 已 經 一 心 去 玩 公 園,點 知 轉 個 頭 已 經 落 雨 嚕

尋 日 豬 醇 講 起 想 食 魚,嚟 到 西 貢 就 去 艇 仔 望 吓 有 咩 魚 買 啦

最 尾 豬 醇 揀 咗 條 龍 船,其 實 就 係 雜 衣,顏 色 好 靚 好 吸 引

是 日 放 映 : 閒 遊 西 貢


Next